The root of this word, its grammatical form, and every other place in the Quran where the same root is used - with each of those verses one click away.
اَلدَّوْلَۃْ وَالدُّوْلَۃُ: دونوں کے ایک ہی معنیٰ ہیں یعنی گردش کرنا۔ بعض نے کہا ہے کہ دَوْلَۃٌ کا لفظ مال وزر کے گھومنے پر بولا جاتا ہے اور دُولَۃٌ لڑائی اور عزت و جاہ کے ادلنے بدلنے پر۔ بعض نے ان دونوں میں یہ فرق کیا ہے کہ دَولَۃٌ اسم ہے اور اس چیز کو کہا جاتا ہے جس کے ذریعہ لین دین کیا جائے اور دُولَۃٌ (بضم الدال) مصدر ہے یعنی لین دین کرنا۔قرآن پاک میں ہے: (کَیۡ لَا یَکُوۡنَ دُوۡلَۃًۢ بَیۡنَ الۡاَغۡنِیَآءِ مِنۡکُمۡ) (۵۹:۷) تاکہ جو لوگ تم میں دولت مند ہیں انہی کے ہاتھوں میں یہ پھیرتا رہے۔ تَدَاوَلَ الْقَوْمُ کَذَا: کسی چیز کو دولت کی طرح باری باری لینا۔ دَاوَلَ اﷲُ کَذَا بَیْنَھُمْ: اﷲ تعالیٰ نے لوگوں کے درمیان اسے گھمایا۔ قرآن پاک میں ہے: (وَ تِلۡکَ الۡاَیَّامُ نُدَاوِلُہَا بَیۡنَ النَّاسِ) (۳۔۱۴۰) اور یہ دن ہیں کہ ہم ان کو لوگوں میں ادلتے بدلتے رہتے ہیں۔ اَلدُّؤْلُوْلُ: بڑی مصیبت۔ ج اَلدَّألِیْلُ وَالدُّؤْلَائُ۔
1 results