مال کی مذمت کا بیان
۔ (۱۰۰۶۴)۔ عَنْ شَقِیْقٍ، قَالَ: دَخَلَ عَبْدُ الرَّحْمٰنِ بْنُ عَوْفٍ عَلٰی اُمِّ سَلَمَۃَ رضی اللہ عنہا ، فَقَالَ: یَا اُمَّ الْمُؤْمِنِیْنَ! اِنِّیْ اَخْشٰی اَنْ اَکُوْنَ
قَدْ ھَلَکْتُ، اِنِّیْ مِنْ اَکْثَرِ قُرَیْشٍ مَالًا بِعْتُ اَرْضًا لِیْ بِاَرْبَعِیْنَ اَلْفَ دِیْنَارٍ، فَقَالَتْ: اَنْفِقْ یَا بُنَیَّ! فَاِنِّیْ سَمِعْتُ رَسُوْلَ اللّٰہِ صلی اللہ علیہ وآلہ وسلم یَقُوْلُ : ((اِنَّ مِنْ اَصْحَابِیْ مَنْ لَا یَرَانِیْ بَعْدَ اَنْ اُفَارِقَہُ۔)) فَاَتَیْتُ عُمَرَ فَاَخْبَرْتُہُ، فَاَتَاھَا، فَقَالَ: بِاللّٰہِ! اَنَا مِنْھُمْ؟ قَالَتْ: اَللّٰھُمَّ لَا، وَلَنْ اُبَرِّئَ اَحَدًا بَعْدَکَ۔ (مسند احمد: ۲۷۲۲۹)
۔ شقیق کہتے ہیں: سیدنا عبد الرحمن بن عوف رضی اللہ عنہ ، سیدہ ام سلمہ رضی اللہ عنہا کے پاس گئے اور کہا: اے ام المؤمنین! مجھے ڈر ہے کہ میں ہلاک ہو جاؤں گا، کیونکہ قریشیوں میں سب سے زیادہ مال میرے پاس ہے اور اب میں نے چالیس ہزار دینار کی ایک زمین بیچی ہے، سیدہ نے کہا: اے میرے بیٹے! اپنا مال خرچ کر، کیونکہ میں نے رسول اللہ صلی اللہ علیہ وآلہ وسلم کویہ فرماتے ہوئے سنا تھا: بیشک میرے بعض ساتھی ایسے ہیں کہ جب میں (وفات کے وقت) ان سے جدا ہوں گا تو وہ بعد میں مجھے نہیں مل سکیں گے۔ پس میں عبد الرحمن، سیدنا عمر رضی اللہ عنہ کے پاس آیا اور ان کو یہ حدیث سنائی، وہ سیدہ کے پاس پہنچے اور کہا: اللہ کی قسم! کیا میں ان میں سے ہوں؟ انھوں نے کہا: جی نہیں، اور آپ کے بعد میں ہر گز کسی کو بری نہیں کروں گی۔
10064
Sahih