آپ صلی اللہ علیہ وآلہ وسلم اور آپ صلی اللہ علیہ وآلہ وسلم کے اہل بیت کی معیشت کا بیان اس موضوع سے متعلقہ سیدہ عائشہ رضی اللہ عنہا سے مروی احادیث - آپ صلی اللہ علیہ وآلہ وسلم اور آپ صلی اللہ علیہ وآلہ وسلم کے اہل بیت کی معیشت کا بیان اس موضوع سے متعلقہ سیدہ عائشہ رضی اللہ عنہا سے مروی احادیث - سنہ (۱) ہجری کے اہم واقعات - Musnad Ahmad with Urdu and English Translation
Chapter 172 of سنہ (۱) ہجری کے اہم واقعات in Musnad Ahmad. Each Hadith below carries its Arabic text, its Urdu and English translation, its number and its grading.
سیدہ عائشہ رضی اللہ عنہا سے مروی ہے، وہ کہتی ہیں کہ ایسے بھی ہوتا کہ حضرت محمد صلی اللہ علیہ وآلہ وسلم کی آل کا ایک ایک مہینہ گزر جاتا، لیکن وہ آگ تک نہیں جلاتے تھے، بس کھجور اور پانی کے علاوہ کھانے کے لیے کچھ نہیں ہوتا تھا، البتہ بعض اوقات گوشت آ جاتا تھا۔
سیدہ عائشہ رضی اللہ عنہا سے مروی ہے کہ رسول اللہ صلی اللہ علیہ وآلہ وسلم پر ایک چاند، دوسرا چاند اور تیسرا چاندگزر جاتا (یعنی دو تین تین ماہ گزر جاتے تھے) کہ آپ صلی اللہ علیہ وآلہ وسلم کے گھروں میں سے کسی گھر میں آگ نہیں جلائی جاتی تھی۔ عروہ بن زبیر نے کہا: اے خالہ جان! تو پھر تم لوگ کس چیز پر گزارا کرتے تھے؟ انھوں نے کہا: دو سیاہ رنگ کی چیزیںیعنی کھجور اور پانی۔
فوائد: … مدینہ منورہ کی زیادہ تر کھجوریں سیاہ رنگ کی ہوتی تھیں، البتہ پانی کا تو کوئی رنگ نہیں ہوتا، دراصل تغلیبی طور پر ان دو چیزوں کے لفظ اَسْوَدَان استعمال کیا گیا ہے، لیکن سورج اور چاند کو قَمَرَیْن اور دودھ اور پانی کو اَبْیَضَان کہہ دیا جاتا ہے۔
سیدہ عائشہ رضی اللہ عنہا سے مروی ہے، وہ کہتے ہیں: اس ذات کی قسم جس نے محمد صلی اللہ علیہ وآلہ وسلم کو حق کے ساتھ مبعوث فرمایا! آپ صلی اللہ علیہ وآلہ وسلم نے نہ چھاننی دیکھی اور نہ آپ صلی اللہ علیہ وآلہ وسلم نے چھانے ہوئے آٹے کی روٹی کھائی، بعثت سے لے کر وفات تک یہی کیفیت رہی۔ عروہ کہتے ہیں: میں نے کہا: تو پھر آپ لوگ جو کیسے کھاتے تھے (یعنی چھاننے کے بغیر جو کی روٹی کیسے کھاتے تھے)؟ انھوں نے کہا: بس آٹے پر پھونک مار کر چھلکا اڑا دیتی تھیں۔
Takhreej
(۲۷/۱۱۳۲۲) تخریج: اسنادہ ضعیف مسلسل بالمجاھیل علی نسق: دوید، وشیخہ ابو سھل وشیخ شیخہ سلیمان بن رومان (انظر: ۲۴۴۲۱)
Explanation
فوائد: … سادگی اور دنیا کو غالب نہ آنے دینا اسی میں ہے کہ چھانی ہوئے آٹے کی روٹی نہ کھائی جائے۔ اُفّ کہنے کا مطلب یہ ہے کہ ہم پسے ہوئی جو کے آتے پر پھونک مارتی تھیں، جو چھلکا اڑ جاتا تھا، تو ٹھیک، وگرنہ ہم اس کو گوندھ لیتے تھے۔
اس موضوع سے متعلقہ سیدنا انس رضی اللہ عنہ کے علاوہ دوسرے صحابہ سے اس موضوع سے متعلقہ مروی احادیث والے باب میں یہ حدیث موجو دہے، چند احادیث کے بعد یہ باب آ رہا ہے۔
سیدہ عائشہ رضی اللہ عنہا سے مروی ہے، وہ کہتی ہیں: ایک رات کو آلِ ابو بکر نے بکری کی ٹانگ ہماری طرف بھیجی، میں نے اس کو پکڑا اور رسول اللہ صلی اللہ علیہ وآلہ وسلم نے اس کو کاٹا، یا معاملے ایسے تھا کہ آپ صلی اللہ علیہ وآلہ وسلم نے پکڑا اور میں نے کاٹا، ہمارے پاس وہ تیل نہیں ہوتا تھا، جس سے چراغ جلایا جاتا تھا، (اگر وہ ہوتا تو ہم سالن تیار کرتے)، آل محمد پر ایسا مہینہ بھی گزرتا تھا کہ وہ نہ اس میں کوئی روٹی پکاتے تھے اور نہ ہنڈیا تیار کرتے تھے۔ حمید راوی کہتے ہیں: جب میں نے یہ حدیث صفوان بن محرز کو بیان کی تو انھوں نے کہا: نہیں، ایک ایک ماہ نہیں، بلکہ دو دو ماہ تک ایسا معاملہ ہو جاتاتھا۔
Takhreej
(۲۸/۱۱۳۲۲) تخریج: اسنادہ ضعیف لانقطاعہ، حمید بن ھلال العدوی لا نعرف لہ سماعا من عائشۃ (انظر: ۲۴۶۳۱)
سیدہ عائشہ رضی اللہ عنہا سے مروی ہے کہ جب لوگوں نے دو سیاہ چیزوں پانی اور کھجور سے سیر ہونا شروع کیا تو رسول اللہ صلی اللہ علیہ وآلہ وسلم انتقال فرما گئے۔
فوائد: … یعنی فتوحات کی وجہ سے لوگوں کے رزق میں وسعت پیدا ہو گئی، لیکن رسول اللہ صلی اللہ علیہ وآلہ وسلم نے وفات تک اپنی حالت میں تبدیلی پیدا نہیں کی۔
سیدہ عائشہ رضی اللہ عنہا سے مروی ہے، انھوں نے کہا: اے میرے بھانجے! رسول اللہ صلی اللہ علیہ وآلہ وسلم کے بال وفرہ سے زیادہ اور جُمّہ سے کم تھے، اے میرے بھانجے! اللہ کی قسم ہے، آل محمد کا پورا مہینہ اس طرح گزر جاتا ہے کہ گھر میں آگ جلانے تک کی نوبت نہیں آتی تھا، بس کبھی کبھار تھوڑا بہت گوشت (بطورِ ہدیہ) آ جاتا تھا، نہیں تو پانی اور کھجور سے ہی گزارا کرنا پڑتا تھا، البتہ ہمارے ارد گرد انصاری لوگوں کے گھر تھے، اللہ تعالی ان کو دنیا و آخرت میں جزائے خیر دے، وہ روزانہ رسول اللہ صلی اللہ علیہ وآلہ وسلم کی طرف زیادہ دودھ والی بکری بھیج دیتے تھے اور آپ صلی اللہ علیہ وآلہ وسلم اس کا دودھ پی لیتے تھے۔ جب رسول اللہ صلی اللہ علیہ وآلہ وسلم فوت ہوئے تو میری الماری میں نصف (وسق) جو کے تھے، میں ان سے کھاتی رہا، جب کافی عرصہ ہو گیا اور وہ ختم نہیں ہو رہے تھے تو میں نے ان کو ماپ لیا، پس وہ ختم ہو گئے، کاش میں ان کو نہ ماپتی، اللہ کی قسم ہے، آپ صلی اللہ علیہ وآلہ وسلم کا بچھونا چمڑے کا ہوتا تھا اور اس میں کھجور کی چھال بھری ہوتی تھی۔
Takhreej
(۳۰/۱۱۳۲۲) تخریج: حدیث صحیح (انظر: ۲۴۷۶۸)
Explanation
فوائد: … عربی میں سر کے لمبے بالوں کے لیے تین لفظ استعمال کیے جاتے ہیں:
جُمّہ: وہ بال جو کندھوں تک ہوں یا کندھوں کو چھو رہے ہوں۔
وَفْرَہ: وہ بال جو کانوں کے برابر تک ہوں۔
لِمَّہ: جو کانوں اور کندھوں کے درمیان ہوں۔
پیارے رسول مکرم صلی اللہ علیہ وآلہ وسلم کے مبارک بالوں کے بارے میں مختلف احادیث میں تینوں الفاظ عام استعمال کیے گئے ہیں، ممکن ہے کہ آپ صلی اللہ علیہ وآلہ وسلم کٹنگ کرواتے وقت کانوں کے نچلے حصے کے برابر بال کاٹ لیتے ہوں، جب وہ بڑھتے بڑھتے کندھوں کو لگنے لگتے تو پھر کاٹ دیتے ہوں۔
سیدہ عائشہ رضی اللہ عنہا سے مروی ہے کہ دنیا کی تین چیزیں رسول اللہ صلی اللہ علیہ وآلہ وسلم کو پسند تھیں: کھانا، عورتیں اور خوشبو، دو چیزیں تو آپ صلی اللہ علیہ وآلہ وسلم کو مل گئیں،یعنی عورتیں اور خوشبو، البتہ تیسری چیز کھانا آپ صلی اللہ علیہ وآلہ وسلم کو نہ مل سکی۔
Takhreej
(۳۱/۱۱۳۲۲) تخریج: اسنادہ ضعیف لابھام الراوی عن عائشۃ اخرجہ ابن سعد: ۱/ ۳۹۸ (انظر: ۲۴۴۴۰)
Explanation
فوائد: …کھانے سے مراد کھانے میں وسعت ہے۔
اس موضوع سے متعلقہ درج ذیل روایت صحیح ہے:
سیدنا انس بن مالک رضی اللہ عنہ سے روایت ہے کہ نبی ٔ کریم صلی اللہ علیہ وآلہ وسلم نے فرمایا: ((حُبِّبَ إِلَیَّ مِنَ الدُّنْیَا النِّسَائُ وَالطِّیْبُ وَجُعِلَ قُرَّۃُ عَیْنِی فِی الصَّلَاۃِ۔)) … دنیا میں سے عورتوں اور خوشبو کو میرے لیے محبوب بنا دیا گیا ہے اور میری آنکھوں کی ٹھنڈک نماز میں ہے۔ (مسند احمد: ۱۲۲۹۳، اس حدیث کا معنی و مفہوم کے لیے حدیث نمبر ۶۸۳۳ کی شرح ملاحظہ فرمائیں)
اس میں کوئی شک نہیں کہ دنیوی کی آسائشیں اللہ تعالی کی نعمت ہیں، لیکن اس نعمت سے بڑے لوگوں کو دھوکہ ہوا ہے، اس کا انداز آخرت کے نتائج سے پہلے نہیں ہو سکتا، نبی ٔ کریم صلی اللہ علیہ وآلہ وسلم نے اپنی زندگی میں آسائشوں کو ترجیح نہیں دی تاکہ اخروی منازل و مراتب متاثر نہ ہوں۔
قارئین کرام! ہم یہاں بڑا اہم نکتہ بیان کرنا چاہتے ہیں، وہ یہ ہے کہ دین کا کام کرنے کے لیے خلوص اور محنت کی ضرورت ہے ، دنیا کے اسباب و وسائل کی نہیں، نبی ٔ کریم صلی اللہ علیہ وآلہ وسلم اور خلفائے راشدین کے پاس دنیوی نعمتیں نہیں تھیں، لیکن دین کا کام سب سے زیادہ اُن ہستیوں نے ہیسرانجام دیا، تبلیغِ دین کی رغبت رکھنے والوں سے گزارش ہے کہ وہ اپنی مسجد اور محلہ سے دین کی تبلیغ شروع کر دیں، لیکن حکمت اور دانائی کے ساتھ اور دنیوی وسائل کی کمی کا شکوہ نہ کریں، تنخواہ اور کفالت میں زیادتی کا مطالبہ اور بات ہے، لیکن کم تنخواہ کا یہ مطلب نہیں کہ دینی خدمت میں کمی آ جائے۔
فَمِنْ ذَالِکَ مَا رُوِیَ عَنْ اَنَسِ بْنِ مَالِکٍ رضی اللہ عنہ
اس موضوع سے متعلقہ سیدنا انس بن مالک رضی اللہ عنہ سے مروی احادیث
سیدنا انس بن مالک رضی اللہ عنہ سے مروی ہے کہ سیدہ فاطمہ رضی اللہ عنہا نے رسول اللہ صلی اللہ علیہ وآلہ وسلم کو جو کی روٹی کا ایک ٹکڑا پکڑایا اور آپ صلی اللہ علیہ وآلہ وسلم نے فرمایا: تین دن ہو گئے ہیں، اب یہ پہلی چیز ہے، جو تیرے باپ کو کھانے کے ملی ہے۔
فوائد: … سبحان اللہ! نبی ٔ کریم صلی اللہ علیہ وآلہ وسلم کے تین دن فاقہ میں گزر گئے، سچ ہے کہ اللہ تعالی نے آپ صلی اللہ علیہ وآلہ وسلم کے لیے دنیوی آسائشوں کو پسند نہیں کیا تھا۔
سیدنا انس بن مالک رضی اللہ عنہ سے مروی ہے کہ رسول اللہ صلی اللہ علیہ وآلہ وسلم نے فرمایا: مجھے اللہ تعالی کی راہ میں بہت ڈرایا گیا، اتنا کسی کو نہیں ڈرایا گیا اور مجھے اللہ تعالی کے راستے میں اتنی تکلیف دی گئی کہ اتنی تکلیف کسی کو نہیں دی گئی، ایسے ایسے تیس تیس شب و روز بھی گزرے ہیں کہ میرے لیے اور بلال کے لیے کوئی ایسی چیز نہیں ہوتی تھی، جس کو کوئی جاندار کھا سکے، ما سوائے اس چیز کے، جس کو بلال کی بغل چھپا لیتی تھی۔
Takhreej
(۳۳/۱۱۳۲۲) تخریج: اسنادہ صحیح علی شرط مسلم اخرجہ ابن ماجہ: ۱۵۱، والترمذی: ۲۴۷۲ (انظر: ۱۴۰۵۵)
Explanation
فوائد: … یعنی بعض اوقات سیدنا بلال رضی اللہ عنہ اپنی بغل میں کوئی چیز چھپا کر آپ صلی اللہ علیہ وآلہ وسلم کے لیے لے آتے تھے۔
نبی ٔ کریم صلی اللہ علیہ وآلہ وسلم ڈرتے اور گھبراتے نہیں تھے، البتہ دشمنوں نے ڈرانے دھمکانے میں کوئی کسر باقی نہیں چھوڑ رکھی تھی۔
جسمانی اذیتوں سے آپ صلی اللہ علیہ وآلہ وسلم کو تکلیف ہوتی تھی، لیکن آپ صلی اللہ علیہ وآلہ وسلم صبر و شکر کا دامن ہاتھ سے نہ جانے دیتے تھے۔
سیدنا انس بن مالک رضی اللہ عنہ سے مروی ہے کہ نبی ٔ کریم صلی اللہ علیہ وآلہ وسلم کو ایک دن جو کی روٹی اور ایسے سالن کے لیے دعوت دی گئی، جس سے زیادہ دیر تک پڑا رہنے کی وجہ سے بد بو آ رہی تھی اور میں نے خود آپ صلی اللہ علیہ وآلہ وسلم کو ایک دن میں کئی بار فرماتے ہوئے سنا کہ اس ذات کی قسم، جس کے ہاتھ میں محمد ( صلی اللہ علیہ وآلہ وسلم ) کی جان ہے، آل محمد کے پاس اناج اور کھجور کا ایک صاع بھی نہیں ہے۔ جبکہ اس وقت آپ صلی اللہ علیہ وآلہ وسلم کی نو بیویاں تھیں، آپ صلی اللہ علیہ وآلہ وسلم نے مدینہ میں ایکیہودی کے پاس اپنی زرہ گروی رکھی تھی، آپ صلی اللہ علیہ وآلہ وسلم نے اس سے اناج ادھار لیا تھا، اب آپ صلی اللہ علیہ وآلہ وسلم کے پاس (قرض واپس کرنے کے لیے) اتنا مال نہیں تھا کہ وہ زرہ چھڑا سکیں۔
فوائد: … بسا اوقات آپ صلی اللہ علیہ وآلہ وسلم اور پاکیزہ آل کو اس دور کا بہت اچھا کھانا بھی مل جاتا تھا، لیکن زندگی کی زیادہ حصہ فقر و فاقہ کی نظر ہی رہتا تھا۔
جناب ِ قتادہ سے مروی ہے، وہ کہتے ہیں: ہم سیدنا انس بن مالک رضی اللہ عنہ کے پاس آتے، جبکہ ان کا روٹی بنانے والا باورچی ان کے پاس کھڑا ہوتا، ایک دن انھوں نے کہا: کھاؤ، میں نہیں جانتا کہ رسول اللہ صلی اللہ علیہ وآلہ وسلم نے پتلی بڑی چپاتی اور بال اتار کر بھونی ہوئی بکری دیکھی ہو، یہاں تک کہ آپ صلی اللہ علیہ وآلہ وسلم اپنے پروردگار سے جا ملے۔
سیدنا انس بن مالک رضی اللہ عنہ سے مروی ہے کہ تنگی اور قلت کی وجہ سے آپ صلی اللہ علیہ وآلہ وسلم کے پاس روٹی اور گوشت والا دوپہر کا کھانا اور شام کا کھانا جمع نہیں ہوا۔
Explanation
فوائد: … ضَفَف کے مزید دو معانی بھی کیے گئے ہیں: ایک لوگوں کا اجتماع اور اکٹھ، یعنی آپ صلی اللہ علیہ وآلہ وسلم علیحدہ کھانا نہیں کھاتے تھے، بلکہ لوگوں کے ساتھ تناول فرماتے تھے اور دوسرا معنییہ ہے کہ کھانے والوں کے تعداد کھانے کی مقدار سے زیادہ ہوتی تھی۔
