The root of this word, its grammatical form, and every other place in the Quran where the same root is used - with each of those verses one click away.
اَلسَّقَمُ وَالسُّقْمُ: خاص کر جسمانی بیماری کو کہتے ہیں۔ بخلاف مَرَضٌ کے کہ وہ جسمانی اور قلبی دونوں قسم کی بیماریوں کے متعلق استعمال ہوتا ہے چنانچہ قرآن پاک میں ہے: (فِیۡ قُلُوۡبِہِمۡ مَّرَضٌ) (۲:۱۰) ان کے دلوں میں (کفر کا) مرض تھا۔ اور آیت : (فَقَالَ اِنِّیۡ سَقِیۡمٌ ) (۳۷:۸۹) اور کہا میں تو بیمار ہوں۔ میں سَقِیْمٌ کا لفظ یا تو تعریض کے طور پر استعمال ہوا ہے اور یہ زمانہ ماضی یا مستقبل کی طرف اشارہ کے لئے اور یہ بھی ہوسکتا ہے کہ اس ہلکی سی بدنی تکلیف کی طرف اشارہ ہو جو اس وقت ان کو عارض تھی۔ کیونکہ انسان بہرحال کسی نہ کسی عارضہ میں مبتلا رہتا ہے اگرچہ وہ اسے محسوس نہ کرے اور خوف ناک جگہ کو مَکَانٌ سَقِیْمٌ کہا جاتا ہے۔