نمازوں کے بعد تسبیح، تحمید، تکبیر اوراستغفار کا بیان - نمازوں کے بعد تسبیح، تحمید، تکبیر اوراستغفار کا بیان - نماز کے بعد کیے جانے والے اذکار کے ابواب - Musnad Ahmad with Urdu and English Translation

(۱۸۶۱) تخریج: أخرجہ مسلم: ۵۹۷ (انظر: ۸۸۳۴)

(۱۸۶۲) تخریج: أخرجہ البخاری: ۸۴۳، ۶۳۲۹، ومسلم: ۵۹۵ (انظر: ۷۲۴۳)

(۱۸۶۳) تخریج: اسنادہ صحیح۔ أخرجہ الترمذی: ۳۴۱۳، والنسائی: ۳/۷۶ (انظر: ۲۱۶۰۰)

فوائد:… اس حدیث ِ مبارکہ سے ان تسبیحات کییہ تعداد ثابت ہوئی: پچیس مرتبہ سُبْحَانَ اللّٰہِ، پچیس مرتبہ اَلْحَمْدُ لِلّٰہِ، پچیس مرتبہ اَللّٰہُ اَکْبَرُ اور پچیس مرتبہ لَا اِلٰہَ اِلَّا اللّٰہُ۔عام طور پر لوگوں کو اس عمل کا علم نہیں ہے، اگر کسی کو معلوم ہے تو شاید وہ عمل نہ کر سکا ہو، ہمیں اپنی زندگیوں میں نبی کریم ‌صلی ‌اللہ ‌علیہ ‌وآلہ ‌وسلم کی تمام سنتوں پر عمل کرنا چاہیے۔

(۱۸۶۴) تخریج: حدیث حسن لغیرہ۔ أخرجہ ابوداود: ۵۰۶۵، والترمذی: ۳۴۱۰، والنسائی: ۳/ ۷۴ (انظر: ۶۴۹۸، ۶۹۱۰)

فوائد:… قارئین کرام! آپ کو اس ذکر کی عظمت کا اندازہ تو ہو چکا ہو گا کہ یہ انتہائی آسان عمل روزانہ ڈھائی ہزار نیکیوں کا سبب بنتا ہے، لیکن آپ مانیںیا نہ مانیں، نمازیوں کی بھاری اکثریت اس کا اہتمام کرنے سے عاجز ہے، اب ہم ایسی قوم بن چکے ہیں کہ چائے کی ایک ایک مجلس میں ڈیڑھ دو دو گھنٹے ضائع کر دیتے ہیں کہ اللہ تعالیٰ کے گھر کے بارے میں ہمارے آلودہ ذہنوں میں ایک ہی قانون رچ بس چکا ہے کہ مسجد میں آنے میں دیر کی جائے اور جلدی جلدی وہاں سے نکل جایا جائے، اگر کسی مسجد میں فرضی نماز کے بعد کوئی اجتماعی دعا یا پانچ چھ منٹوں کا درس ہو جائے تو سارے نمازی اس ذکر سے محروم ہو جاتے ہیں، سلام پھیرنے کے بعد اکثر نمازیوں کی مسجد سے نکلنے کییہ کیفیت ہوتی ہے کہ اگر مسجد میں زیادہ دیر لگ گئی تو کوئی آفت آ دبوچے گی۔ رہا مسئلہ سوتے وقت یہ تسبیحات کہنے کا تو وہ تو شیطان نے جو ٹھیکہ لیا تھا، وہ اس میں کامیاب ہو گیا ہے، ہم عام طور پر عشاء کی نماز کے بعد اپنے گھروں میں دو تین چار گھنٹوں تک جاگتے رہتے ہیں، کوئی کھانے میں مصروف، کوئی گپ شپ کی محفل میں مگن، کوئی کسی گیم اور کھیل میں مشغول اور کوئی کسی ڈرامے کو دیکھنے سننے میںیا انٹرنیٹ اور کمپیوٹر پر اتنا مگن کہ کسی کے لیے کوئی فرصت نہیں، … … علی ہذا القیاس۔ لیکن جب سونے کی باری آئے گی اور ہم اپنا سر نرم سے تکیے پر رکھیں گے تو زبان موٹی ہو کر گنگ ہو جائے اور بہت جلدی آنکھیں پھڑپھڑانا شروع ہو جائیں گی اور بالآخر اللہ کا ذکر کا کوئی کلمہ کہنے سے پہلے مجازی موت مر جائیں گی۔ یہ کوئی جذباتی الفاظ یا تقریر نہیں ہے، یہ ایک ایسی حقیقت ہے کہ جس کو حقیقت سمجھے بغیر کوئی چارۂ کار نہیں ہے، جس کی وجہ اللہ تعالیٰ سے قلت ِ معرفت اور دینی اور اخروی امور میں عدم دلچسپی ہے۔

(۱۸۶۵) تخریج: اسنادہ حسن۔ أخرجہ ابن ماجہ: ۴۱۵۲، وابن ابی شیبۃ: ۱۰/ ۲۳۲ (انظر: ۸۳۸)

فوائد:… قصہ سے مراد سیدہ فاطمہ ‌رضی ‌اللہ ‌عنہا کی شکایات کی تفصیل ہے، نیز اس میں اس سازو سامان کا بھی ذکر ہے، جو آپ ‌صلی ‌اللہ ‌علیہ ‌وآلہ ‌وسلم نے سیدہ کو ان کی شادی کے موقع پر دیا تھا۔ صفین والی رات سے مراد وہ لڑائی ہے جو سیدنا عثمان ‌رضی ‌اللہ ‌عنہ کی شہادت کی وجہ سے سیدنا علی ‌رضی ‌اللہ ‌عنہ اور اہل شام کے درمیان لڑی گئی تھی، ویسے فرات کے قریب ایک جگہ کا نام صفین ہے، جس مین یہ جنگ ہوئی تھی۔

(۱۸۶۶) تخریج: صحیح بطرقہ وشواھدہ، وھذا اسناد ضعیف لجھالۃ حال ابی عمر الصینی۔ أخرجہ النسائی فی الکبری : ۹۹۷۸، وابن ابی شیبۃ: ۱۰/ ۲۳۵ (انظر: ۲۷۵۱۵) وانظر الحدیث بالطریق الثانی

(۱۸۶۷) تخریج: صحیح بطرقہ و شواھدہ۔ أخرجہ الطیالسی: ۹۸۲، والطبرانی فی الدعائ : ۷۱۱، والنسائی فی عمل الیوم واللیلۃ کما فی تحفۃ الأشراف : ۸/ ۲۳۷، وابن ابی شیبۃ: ۱۰/ ۲۳۵ (انظر: ۲۱۷۰۹) وانظر الحدیث بالطریق الاول

(۱۸۶۸) تخریج: أخرجہ مسلم: ۵۹۱ (انظر: ۲۲۳۶۵)

فوائد:… ایک روایت میں إِذَا أَرَادَ أَنْ یَنْصَرِفَ کی بجائے إِذَا اِنْصَرَفَ کے الفاظ ہیں اور اس مقام پر انصراف کے معانی سلام کے ہیں۔ علمائے اسلام کا اتفاق ہے کہ سلام کے بعد درج بالا اور دیگر مسنون اذکار مستحب ہیں، فرض نہیں ہے، بہرحال اللہ تعالیٰ کا ذکر بڑی اہمیت کا حامل ہے، خصوصاً ہم جیسے لوگوں کے لیے جن کی نمازوں میں بڑا نقص موجود ہیَ۔