The root of this word, its grammatical form, and every other place in the Quran where the same root is used - with each of those verses one click away.
فَاضَ الْمَائُ کے معنی کسی جگہ سے پانی اچھل کر بہہ نکلنا ہیں (اور آنسوؤں کے بہنے کے لیے بھی آتا ہے) چنانچہ فرمایا: (تَرٰۤی اَعۡیُنَہُمۡ تَفِیۡضُ مِنَ الدَّمۡعِ ) (۵:۸۳) تم دیکھتے ہو کہ ان کی آنکھوں سے آنسو جاری ہوتے ہیں۔ اور اَفَاضَ اَنَائَ ہٗ کے معنی برتن کو لبالب بھر دینے کے ہیں حتیٰ کہ پانی اس سے نیچے گرنے لگے اور افَضْتُہٗ کے معنی اوپر سے گرانے اور بہانے کے ہیں جیسے فرمایا: (اَنۡ اَفِیۡضُوۡا عَلَیۡنَا مِنَ الۡمَآءِ) (۷:۵۰) کہ کسی قدر ہم پر پانی بہاؤ۔ اسی سے فَاضَ صَدْرُہٗ بِالسِّرِّ، جس کے معنی بھید ظاہر کرنے کے ہیں اور سخی آدمی کو فَیَّاضٌ کہا جاتا ہے اور اسی سے اَفَاضُوْا فِی الْحَدِیْثِ کا محاورہ مستعار ہے۔ جس کے معنی باتوں میں مشغول ہوجانے اور چرچا کرنے کے ہیں چنانچہ فرمایا: (لَمَسَّکُمۡ فِیۡ مَاۤ اَفَضۡتُمۡ فِیۡہِ ) (۲۴:۱۴) تو جس بات کا تم چرچا کرتے تھے اس کی وجہ سے تم پر … نازل ہوتا۔ (ہُوَ اَعۡلَمُ بِمَا تُفِیۡضُوۡنَ فِیۡہِ) (۴۶:۸) وہ اس گفتگو کو خوب جانتا ہے جو تم اس کے بارے میں کرتے ہو۔ (اِذۡ تُفِیۡضُوۡنَ فِیۡہِ) (۱۰:۶۱) جب اس میں مصروف ہوتے ہو۔ اور حَدیْث مُسْتَفِیْضُ کے معنی منتشر یعنی عام پھیلی ہوئی بات کے ہیں اور فَیْض کے معنی کثیر پانی کے ہیں۔ چنانچہ محاورہ۔ اَعْطَاہُ عَیْضًا مِّنْ فَیْضٍ: یعنی اسے زیادہ مال میں سے تھوڑا سا دیا۔ اور ارشاد باری تعالیٰ ہے۔ (فَاِذَاۤ اَفَضۡتُمۡ مِّنۡ عَرَفٰتٍ ) (۲:۱۹۸) اور جب عرفات سے واپس ہونے لگو۔ اور آیت کریمہ: (ثُمَّ اَفِیۡضُوۡا مِنۡ حَیۡثُ اَفَاضَ النَّاسُ ) (۲:۱۹۹) پھر جہاں سے اور لوگ واپس ہوں وہیں سے تم بھی واپس ہو۔ میں اِفَاضَۃٌ کے معنی مجمع کثیر کے یکبارگی لوٹنے کے ہیں اور یہ فیضان الماء یعنی (پانی کا زور سے بہہ نکلتا) کے ساتھ تشبیہ دے کر بولا جاتا ہے۔ اَفَاضَ بِالْقِدَاحِ: تیر گھمانا۔ اَفَاضَ الْبَعِیْرُ بَجَرَّتِہٖ: اونٹ کا جگال پھینکنا۔ دِرْعٌ مُفَاضَۃٌ: کشادہ زرہ۔ گویا پہننے والے پر اسے بہا دیا گیا ہے جس طرح کہ دِرْعٌ مَّسْنُوْنَۃٌ کے معنی بھی وسیع زرہ کے ہیں جو کہ سَنَنْتُ بمعنی صَبَبْتُ سے مشتق ہے۔
7 results