The root of this word, its grammatical form, and every other place in the Quran where the same root is used - with each of those verses one click away.
اَلْمِلْحُ: اس پانی کو کہتے ہیں جو متغیر ہوکر جم جائے یعنی نمک بن جائے اور صرف متغیر پانی کو بھی مِلْحٌ کہہ دیتے ہیں چنانچہ کھاری پانی کو مَائٌ مِلْحٌ کہا جاتا ہے اور مَائٌ مَالِحٌ بہت کم استعمال ہوتا ہے۔ قرآن پاک میں ہے۔ (وَّ ہٰذَا مِلۡحٌ اُجَاجٌ) (۲۵۔۵۳) اور یہ کھاری ہے کڑوا۔ مَلَّحْتُ الْقِدْرَ کے معنی ہنڈیا میں نمک ڈالنے کے ہیں۔ اور اَمْلَحْتُھَا کے معنی زیادہ نمک ڈال کر خراب کردینے کے۔ اور نمک لگاکر خشک کی ہوئی مچھلی کو سَمْکٌ مَلِیْحٌ کہتے ہیں۔ پھر مِلْحٌ سے استعارہ کے طور پر مَلَاحَۃٌ بمعنی خوبروئی آتا ہے۔ اور رَجُلٌ مَلِیْحٌ اس خوبرو آدی کو کہتے ہیں جس کا حسن خوب غور کے بعد محسوس ہو۔