The root of this word, its grammatical form, and every other place in the Quran where the same root is used - with each of those verses one click away.
اَلْحَرضُ: اس چیز کو کہتے ہیں جو نکمی ہوجائے اور درخور اعتناء نہ رہے اس لئے جو چیز قریب بہ ہلاکت ہوجائے اس کے متعلق حَرِّضَ کہا جاتا ہے۔ قرآن پاک میں ہے: (حَتّٰی تَکُوۡنَ حَرَضًا) (۱۲:۸۵) یا تو قریب بہ ہلاکت ہوجاؤ گے۔ اور اَحْرَضَہ کے معنی گھلا دینے اور قریب بہ ہلاکت کردینے کے ہیں۔ شاعر نے کہا ہے۔ (1) (۱۰۵) اِنِّی امْرُئٌ نَا بَنِیْ ھَمٌّ فَاَحْرَضَنِیْ: میں وہ آدمی ہوں جسے تمہارے غم نے گھلا دیا ہے۔ اَلْحُرْضَۃُ: گھٹیا قسم کا آدمی جو خود ایک دام بھی خرچ نہ کرے بلکہ جوئے بازی کا گوشت مفت کھانے کا عادی ہو۔ اَلتَّحْرِیْصُ: کے معنی ازالہ حرض کے معنی میں ہیں یعنی کسی چیز سے بگاڑ اور خرابی کو دور کردینا جیسے مَرَّضْتُہٗ اور قَذَّیْتُہٗ کے معنی مرص اور تنکے کو دور کرنے کے ہوتے ہیں۔ تَحْرِیْضٌ کے معنی کسی کو مزین کرکے اور اسے آسان صورت میں پیش کرکے اس پر برانگیختہ کرنے کے ہیں۔ (2) اَحْرَضْتُہٗ: (افعال) کسی چیز میں خرابی پیدا کردینا۔ جیسے اَقْذَیْتُہٗ: کسی چیز کو قذرا آلود کرنا ہوتے ہیں۔