۔ (۹۴۶۵)۔ عَنْ اَبِیْ ھُرَیْرَۃَ رضی اللہ عنہ ، عَنِ النَّبِیِّ صلی اللہ علیہ وآلہ وسلم قَالَ: ((خَرَجَ رَجُلٌ یَزُوْرُ اَخًا لَہُ فِی اللّٰہِ عَزَّوَجَلَّ، فِیْ قَرْیَۃٍ اُخْرٰی، فَاَرْصَدَ اللّٰہُ عَزَّوَجَلَّ بِمَدْرَجَتِہِ مَلَکًا، فَلَمَّا مَرَّ بِہٖقَالَ: اَیْنَ تُرِیْدُ؟ قَالَ: اُرِیْدُ فُلَانًا، قَالَ: لِقَرَابَۃٍ؟ قَالَ: لَا، قَالَ: فَلِنِعْمَۃٍ لَہُ عِنْدَکَ تَرُبُّھَا؟ قَالَ:لَا،قَالَ: فَلِمَ تَاْتِیْہِ؟ قَالَ: اِنِّیْ اُحِبُّہُ فِی اللّٰہِ، قَالَ: فَاِنِّیْ رَسُوْلُ اللّٰہِ اِلَیْکَ اَنَّہُ یُحِبُّکُ بِحُبِّکَ اِیَّاہُ فِیْہِ۔)) (مسند احمد: ۷۹۰۶)
۔ سیدنا ابو ہریرہ رضی اللہ عنہ بیان کرتے ہیں کہ رسول اللہ صلی اللہ علیہ وآلہ وسلم نے فرمایا: ایک آدمی اللہ تعالیٰ کے لیے اپنے کسی بھائی کی زیارت کے لیے نکلا، وہ کسی دوسرے گاؤں میں رہتا تھا، اللہ تعالیٰ نے اس کے راستے میں ایک فرشتے کو مقرر کر دیا، پس جب وہ اس کے پاس سے گزرا تو اس فرشتے نے کہا: کہاں کا ارادہ ہے؟ اس نے کہا: جی فلاں کو ملنے کا ارادہ ہے، فرشتے نے کہا: کسی رشتہ داری کی وجہ سے؟ اس نے کہا: جی نہیں، فرشتے نے کہا: تو پھر اس کا تجھ پر کوئی احسان ہے کہ اس کی خاطر تو جا رہا ہے؟ اس نے کہا: جی نہیں، اس نے پوچھا: تو پھر اس کے پاس کیوں جا رہا ہے؟ اس نے کہا: بیشک میں اللہ تعالیٰ کے لیے اس سے محبت کرتا ہوں، فرشتے نے کہا: دراصل میں تیری طرف اللہ تعالیٰ کا قاصد ہوں اور یہ پیغام لے کر آیا ہوں اس آدمی سے تیری اس محبت کی وجہ سے اللہ تعالیٰ بھی تجھ سے محبت کرتا ہے۔
Takhreej
(۹۴۶۵) تخریج: أخرجہ مسلم: ۲۵۶۷ (انظر: ۷۹۱۹)
9465
Sahih