The root of this word, its grammatical form, and every other place in the Quran where the same root is used - with each of those verses one click away.
کبھی تو ’’الی‘‘ کی طرح یہ حرف جر کے طور پر استعمال ہوتا ہے لیکن اس کے مابعد غایت ماقبل کے حکم میں داخل ہوتا ہے اور کبھی عاطفہ ہوتا ہے اور کبھی استیناف کا فائدہ دیتا ہے۔ جیسے اَکَلْتُ السَّمْکَۃَ حَتّٰی رَأْسَھَا (عاطفہ) رَأْسِھَا (جارہ) رَأْسُھَا (مستانفہ) قرآن پاک میں ہے: (لَیَسۡجُنُنَّہٗ حَتّٰی حِیۡنٍ ) (۱۲:۳۵) کچھ عرصہ کے لئے نہیں قید ہی کردیں۔ (حتی مطلع الفجر) (۹۷:۵) طلوع صبح تک … جب یہ فعل مضارع پر داخل ہوتے ہیں اور ان میں ہر ایک کی دو وجہ ہوسکتی ہیں نصب کی صورت میں حَتّٰی بمعنٰی (۱) اِلٰی اَنْ (یا (۲) کَیْ ہوتا ہے اور مضارع کے مرفوع ہونے کی ایک صورت تو یہ ہے کہ حتی سے پہلے فعل ماضی آجائے جیسے: مَشَیْتُ حَتّٰی اَدْخُلَ الْبَصَرَۃ (یعنی میں چلا حتی کہ کہ میں داخل ہوا) دوسری صورت یہ ہے کہ حتیٰ کا مابعد حال واقع ہو جیسے مَرِضَ حَتّٰی لَایَرْجُونَ (وہ بیمار ہوا اس (حال میں کہ سب اس سے ناامید ہوگئے) اور آیت کریمہ: (حَتّٰی یَقُوۡلَ الرَّسُوۡلُ ) (۲:۲۱۴) یہاں تک کہ پیغمبر … پکار اٹھے۔ میں یَقُولُ پر رفع اور نصب دونوں منقول ہیں اور ان پر دو قرأت میں دونوں معنیٰ بیان کئے گئے ہییں، بعض نے کہا ہے کہ حتیٰ کا مابعد اس کے ماقبل کے خلاف ہوتا ہے جیساکہ قرآن پاک میں ہے: (وَ لَا جُنُبًا اِلَّا عَابِرِیۡ سَبِیۡلٍ حَتّٰی تَغۡتَسِلُوۡا ) (۴:۴۳) اور جنابت کی حالت میں بھی (نماز کے پاس نہ جاؤ) جب تک کہ غسل (نہ) کرو۔ وہاں اگر بحالتِ سفر رستے چلے جارہے ہو (اور غسل نہ کرسکو تو تیمم سے نماز پڑھ لو۔ مگر کبھی اس طرح نہیں بھی ہوتا جیسے مروی ہے(1) (۷۲) اِنَّ اﷲَ تَعَالٰی لَا یَمَلُّ حَتّٰی تَمَلُّوا: پس اس حدیث کے یہ معنیٰ نہیں ہیں کہ تمہارے تھک جانے کے بعد ذات باری تعالیٰ بھی تھک جاتی ہے۔ بلکہ معنیٰ یہ ہیں کہ ذات باری تعالیٰ کو کبھی ملال لاحق نہیں ہوتا۔
142 results
Pick a verse, and get a ready Quran image or a short vertical video for YouTube Shorts, Instagram and Facebook Reels, TikTok and WhatsApp Status — Arabic with English and Urdu translation, free on WizTools123.