The root of this word, its grammatical form, and every other place in the Quran where the same root is used - with each of those verses one click away.
اِنَّ وَاَنَّ (حرف) یہ دونوں اسم کو نصب اور خبر کو رفع دیتے ہیں(1) اور دونوں میں فرق یہ ہے کہ اِنَّ جملہ مستقل پر آتا ہے اور اَنَّ کا مابعد ایسے مفرد کے حکم میں ہوتا ہے جو اسم مرفوع، منصوب اور مجرور کی جگہ پر واقع ہوتا ہے جیسے: اَعْجَبَنِیْ اَنَّکَ تَخْرُجُ وَعَجِبْتُ اَنَّکَ تَخْرُجُ اور تَعَجَّبْتُ مِنْ اَنَّکَ تَخْرُجُ جب اِنَّ کے بعد ما (کافہ) آجائے تو یہ عمل نہیں کرتا اور کلمہ حصر کے معنی دیتا ہے۔ فرمایا : ( اِنَّمَا الۡمُشۡرِکُوۡنَ نَجَسٌ) مشرک تو پلید ہیں۔ (۹:۲۸) یعنی نجاست تامہ تو مشرکین کے ساتھ مختص ہے۔ نیز فرمایا : (اِنَّمَا حَرَّمَ عَلَیۡکُمُ الۡمَیۡتَۃَ وَ الدَّمَ) اس نے تم پر مرا ہوا جانور اور لہو۔۔۔ حرام کردیا ہے۔ (۲:۱۷۳) یعنی مذکورہ اشیاء کے سوا اور کسی چیز کو حرام قرار نہیں دیا اس میں تنبیہ ہے کہ مطعومات میں سے جو چیزیں اصول شریعت میں حرام ہیں ان میں سے یہ چیزیں سب سے بڑھ کر ہیں۔
1,536 results